Ուրբաթ օրը դոլարի նկատմամբ թուրքական լիրայի արժեքը կրկին թարմացրել է իր պատմական նվազագույնը՝ ամսվա սկզբից դոլարը լիրայի նկատմամբ թանկացել է գրեթե 3%-ով: «ՌԻԱ նովոստի»-ին գրում է, որ նման ցուցանիշ են ցույց տվել առևտրի տվյալները։
Ժամը 8.35-ի դրությամբ թուրքական լիրայի նկատմամբ դոլարն աճել է 0,39%-ով՝ մեկ դոլարի դիմաց հասնելով 27,4699 լիրաի՝ նախորդ՝ 27,3628 լիրայի փակման մակարդակից։ Րոպեներ առաջ այդ ցուցանիշը կարճ ժամանակում հասել էր առավելագույն մակարդակի՝ 27,665 լիրա:
Չորեքշաբթի օրը դոլար-լիրա փոխարժեքն առաջին անգամ հասել է 27,66 լիրայի, իսկ երեքշաբթի այն առաջին անգամ գերազանցել է 27,5 լիրայի սահմանը։ Ամսվա սկզբից դոլարը լիրայի նկատմամբ թանկացել է 2,9%-ով, եռամսյակի սկզբից՝ գրեթե 5,5%-ով։
Թուրքական արժույթը տարեսկզբից ամեն ամիս էժանացել է, բացառությամբ օգոստոսի: Լիրան ամենաշատը էժանացել է հունիսին՝ գրեթե մեկ քառորդով, մեկ դոլարի դիմաց 20,8 լիրայից հասնելով մինչև 26 լիրա։
