Այս պահին ավտոբուսների միջոցով կազմակերպվում է մեր այն հայրենակիցների տեղափոխումը, որոնք չունեն տրանսպորտային միջոց կամ խոցելի խմբերից են՝ ծերեր, հաշմանդամներ և նրանց տեղափոխումն այսօր իրականանցում ենք: Այս մասին այսօր Գորիսում լրագրողների հետ զրույցում նշել է ՀՀ առողջապահության նախարար Անահիտ Ավանեսյանը։ Նա նաև հայտնեց, թե Ստեփանակերտցի Կոռնիձոր ճանապարհին մահվան դեպքեր ևս գրանցվում են։
«Մարդիկ 40 ժամից ավելի ճանապարհին են եղել, և այդ ընթացքում գրանցվել են մահեր՝ ինսուլտից: Հիմա գիտեք, որ ընթացքը հասնելու Կոռնիձոր բավականին կրճատվել է և 10 ժամից ավելի չի տևում: Նրանք առաջին անհրաժեշտության պարագաներ, դեղեր չունենալով ընկել են ճանապարհ և 40 ժամից ավելի գտնվել են ճանապարհին ՝ խցանման մեջ և նման հետևանքներն այս պարագայում անխուսափելի են»,- նշեց նախարարը:
Խոսելով Արցախում պայթյունից տուժածների մասին, նախարարը նշեց, որ ընդհանուր առմամբ 140-ից ավելի պացիենտներ տեղափոխվել էին ԲԿ-ներ. միայն այրվածքներով:
.gif)
