Լրահոս
Հակակոռուպցիոն դատարանը 2023 թվականի սեպտեմբերի 27-ին վարույթ է ընդունել ապօրինի ծագում ունեցող գույքի բռնագանձման վերաբերյալ հերթական հայցադիմումը:
Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Երևանի քաղաքապետարանի ճարտարապետության և քաղաքաշինության վարչության նախկին պետ Անդրանիկ Քասարյանից և վերջինիս փոխկապակցված անձանցից հօգուտ Հայաստանի Հանրապետության բռնագանձել՝
- 19 անշարժ գույք՝ Երևանի Կենտրոն համայնքում, 4 տրանսպորտային միջոց, 5 չմարված ավանդի գումար՝ 47 մլն 190 հազար դրամ, 1 անշարժ գույքի գնման իրավունք, տրամադրված փոխառության 2 պահանջի իրավունքի ապօրինի մասերը՝ 246 մլն 615 հազար 166 դրամ, 3 իրավաբանական անձում մասնակցություն.
- 230 մլն 150 հազար 585 դրամ՝ որպես ապօրինի եկամուտների և դրամական միջոցների մնացորդ.
- 221 մլն 541 հազար դրամ, որը 2004-2022 թվականների ընթացքում չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԱՏԱԽԱԶՈՒԹՅՈՒՆ
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
