Իրավապաշտպան Վարդան Հարությունյանը գրում է.
«Ռուբեն Վարդանյանի ձերբակալում-գերեվարումը ցուցիչ է։ Ադրբեջանում բոլոր հայերն են լինելու թիրախավորված։ Այդ երկրում անգամ ադրբեջանցիները պաշտպանված չեն, էլ ուր մնաց, որ պաշտպանված լինեն հայերը։
Հիշենք, թե ինչ չարությամբ էր Ալիեւը հալածում նրանց, ովքեր ընդդիմանում էին իրեն։ Նրա բոլոր քննադատներն ու քաղաքական հակառակորդները, եթե երկրից հեռանալ չեն կարողացել, ապա բանտերում են։
Էլ ավելի մեծ չարությամբ ու ատելությամբ նա հալածելու է հայերին։
Ռուբեն Վարդանյանը Հայաստանի Հանրապետության քաղաքացի է։ Հայաստանի Հանրապետության քաղաքացիներ են նաեւ Ադրբեջանում գերության մեջ գտնվող մյուս հայերը։ Նրանց բոլորի ազատ արձակումը Հայաստանի Հանրապետության առաջին գործերից մեկը պետք է լինի»։
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
