Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:
Ազգային կոմիտեի հայտարարությունն ապօրինի ձերբակալվածների վերաբերյալ
Արցախահայության կյանքի իրավունքը պաշտպանելու հրամայականով դրդված ժողովրդային լայն զանգվածներ ս.թ. սեպտեմբերի 19-ից Հայաստանի կառավարությանը իրենց պահանջները ներկայացնելու համար սկսեցին ինքնաբուխ, խաղաղ բողոքի գործողություններ:
Հայաստանի գործող իշխանությունը՝ Նիկոլ Փաշինյանի գլխավորությամբ հերթական անգամ գործադրեց բիրտ ուժ, որի հետևանքով տարբեր անհնազանդության ակցիաների ընթացքում 700-ից ավելի անձինք բերման են ենթարկվել ոստիկանության բաժիններ՝ ճնշող դեպքերում նրանց նկատմամբ կիրառվել է անհամաչափ ուժ, ակցիաների մասնակիցներին և անգամ ակցիաների հետ առնչություն չունեցող բազմաթիվ քաղաքացիների պատճառվել է ֆիզիկական վնաս: Ոստիկանության և իշխանության սադրիչների հրահրված բախումներով բազմաթիվ անձինք ստացել են մարմնական վնասվածքներ:
Կամակատար քննչական մարմինների և դատավորների միջոցով շուրջ 70 անձ ենթարկվել են ապօրինի ձերբակալությունների, իսկ նրանցից մեծ մասը ապօրինաբար կալանավորվել են կամ սահմանափակվել է նրանց ազատությունը՝ արգելելով կալանավորվածներից շատերի հետ տեսակցությունները:
Կամավոր հիմունքներով ձևավորված փաստաբանական խումբը, Ազգային ժողովի ընդդիմադիր խմբակցությունների պատգամավորները, Փաստաբանների պալատի աջակցող փաստաբանական համայնքի հետ միասին այս օրերին մշտապես եղել են նրանց կողքին, ցուցաբերել են և շարունակում են ցուցաբերել իրավական, հաղորդակցության ապահովման և այլ աջակցություն՝ հայրենադավ իշխանության դեմ պայքարի դուրս եկած մեր հայրենակիցներին:
Ազգային կոմիտեն երախտագիտություն հայտնելով փաստաբաններին ու իրավապաշտպանության մեջ ներգրաված անձանց շարունակում է իր համակարգված աջակցությունը ապօրինությունների ենթարկված անձանց:
