Արցախի նախկին պետնախարար, նախկին ՄԻՊ Արտակ Բեգլարյանը հայտնել է՝ անվտանգ տեղում է գտնվում։
«Քանի որ շատերն են հարցնում, թույլ տվեք նշել, որ ես ազատ/անվտանգ եմ:
Թեև ես շարունակում եմ ստանալ բազմաթիվ հրապարակային/մասնավոր ատելության վիրավորանքներ/սպառնալիքներ, այնուամենայնիվ, ինձ երբեք չեն տեղեկացրել ադրբեջանական հետապնդման մասին, որի համար որևէ հիմք չկա:
Անվտանգության նկատառումներից ելնելով՝ ես չեմ կարող հայտնել իմ գտնվելու վայրը»,- «X»-ում գրել է Բեգլարյանը։
Հիշեցնենք, որ սեպտեմբերի 27-ին Արցախի նախկին պետնախարար Ռուբեն Վարդանյանը, ձերբակալվել ու գերեվարվել է Ադրբեջանի իշխանությունների կողմից, երբ փորձել է հեռանալ Արցախից։ Նրան Բաքվում մեղադրանք է առաջադրվել, դատարանի որոշմամբ 4 ամսով կալանավորվել է։
(2).JPG)
